Musika Klasikoko Abonua: 7 ikuskizunez osaturik dago (urriak 13 eta 21, azaroak 5 eta 19, abenduak 1 eta 16 eta urtarrilak 23). Abonuak 7 ikuskizun horien banakako sarreren salneurriaren %20ko beherapena eskaintzen du. Ez dira A1 eta A2 zonetako abonuak salduko, ezta 1-2 palkoetako bigarren ilarakoak (ikuspen murritza) ere. Abonatuek “tarifa bereziaz” gozatu ahal izango dute Euskadiko Orkestra Sinfonikoaren kontzertuetarako banakako sarreretan, eta %25eko beherapena izango dute Miramongo Matinéen abonua erosterakoan (autobus zerbitzua barne). Sarrerarik geratuko balitz, emankizunaren egun berean baino ezin izango dira Auditoriorako sarrerak erosi, Kursaaleko leihatiletan. Horretarako, Kursaal Fundazioko abonua erakutsi beharko da.

Auditorioan (17.ilara) eta Ganbera Aretoan (1.ilara) mugikortasun urriko pertsonentzako sarrera mugatuak daude. Sarrera hauek gainerako edukiera saldu arte gordeko dira. Mugikortasun urriko pertsonentzako Auditorioko sarreren salneurria preziorik altueneko eserlekua baino %20 merkeagoa izango da. Sarrera hauek Telekutxan eta leihatilan bakarrik eskura daitezke. Aldez aurretik NANaren fotokopia eta elbarri agiria aurkeztu beharko dira Kursaal Fundazioko bulegoetan. Kontzertuaren bezperan aparteko eserleku hauek publiko arruntarentzat jarriko dira salgai.

Musika gazteei helarazi nahian, Kursaal Fundazioak Ordu Gaztea ekimena jarri du abian. Hala, 30 urtetik beherako lagunek Kursaal Fundazioak antolatutako kontzertu eta ikuskizunetako sarrerak, Musika Familiakoak izan ezik, 3 eurotan eskuratu ahal izango dituzte Kursaaleko leihatiletan, emanaldia hasi baino 30 minutu lehenago.

Aukera hau, leihatilan egun bakoitzean erabilgarri dauden sarreren araberakoa izango da, eta adina egiaztatzea ezinbestekoa izango da.

Programa honek aldaketak izan ditzake. Kursaal Fundazioak ez du bere gain erantzukizunik hartuko programa, interprete edo datetan aldaketarik gertatuz gero. Kontzertu bat bertan behera uztea, ez ordea kontzertu bat atzeratzea, izango da sarreren zenbatekoa itzultzeko arrazoi bakarra.

Publiko eta artistekiko begiramena gorde nahian, emanaldia hasi ondoren ez da aretoan sartzerik izango. Berandu iristen diren ikus entzuleek, eta ikuskizunak sarrera ahalbidetzen badu beti ere, antolatzaileek sartzeko adierazi arte itxaron beharko dute.

Erreklamazioak: Sarrerak galdu, apurtu, edo lapurtuz gero, ezin izango dira berreskuratu. Era berean, sarrera edo abonuak jaso ondoren ez da erreklamaziorik onartuko.